Фінал конкурсу «Краса Мілкавіты — 2026»

6 сакавіка 2026

Напярэдадні Дня жанчын на ААТ «Мілкавіта» было асабліва горача - і справа не толькі ў вясновым настроі.

У актавай зале прадпрыемства адбыўся Фінал конкурсу «Краса Мілкавіты - 2026». Напружанне, чаканне, усмешкі - усё гэта стварала атмасферу сапраўднага свята прыгажосці, таленту і абаяння. Удзельніцы пакаралі журы і гледачоў не толькі знешнімі данымі, але і артыстызмам, пластыкай, кулінарнымі здольнасцямі і нават уменнем запальваць у TikTok.

І вось, нарэшце, вынікі доўгачаканага фіналу:
"Міс Прафсаюз" - Мірановіч Яніна;
“Міс Усмешка” – Віскун Вераніка;
"Міс Пластыка" - Пашук Ганна;
«Міс Артыстызм» - Федарэнка Аксана;
«Міс Абаянне» - Рубан Дар'я;
«Міс Грацыя» - Таран Таццяна;
«Кулінарны геній Мілкавіты» - Міхасёва Вольга;
«Зорка Цік-Тока» - Крахова Наталля;
«Міс сімпатый гледачоў»- Пашук Ганна.

А галоўны тытул «Прыгажосць Мілкавіты - 2026» заслужана атрымала Федарэнка Аксана!

Віншуем пераможцу і ўсіх удзельніц з гэтым яскравым дасягненнем!