Дзень абароны дзяцей і Дзень малака разам з ААТ «Мілкавіта»

3 чэрвеня 2024

На стадыёне «Прамень» Мілкавіта адкрыла вялікую святочную пляцоўку, дзе можна весела правесці час, зарабіць мілкаіны і тут жа абмяняць іх на рэальныя малочныя прадукты і сувенірную прадукцыю. Гасцям свята прапаноўвалі прадэманстраваць свае вакальныя таленты ў караоке-бары, а таксама пагуляць у забавы - "Малочная ферма" і "Сырная лустачка", "Мілка-дрынка" і "Малочныя шашкі" і многія іншыя цікавыя гульні. На кожнай гульнявой пляцоўцы хлопцы праявілі спрыт, эрудыцыю і кемлівасць!
А напярэдадні ў Палескім вытворчым участку прайшло захапляльнае мерапрыемства для дзяцей супрацоўнікаў. Іх чакала падарожжа на планету малака з конкурсамі, віктарынамі і, вядома, пачастункам!