Дзень пажылых людзей

1 кастрычніка 2024

У Дзень пажылых людзей ААТ "Мілкавіта" правяла святочную праграму пад назвай "Мае гады - маё багацце"!

На мерапрыемстве прысутнічалі ветэраны працы, якія аддалі больш за 15 гадоў свайго жыцця рабоце на прадпрыемстве. Для іх быў накрыты святочны стол, дзе госці змаглі абмяняцца неацэнным жыццёвым вопытам і ўспамінамі. Дарагіх гасцей радавалі музычнымі нумарамі, у якіх выступілі таленавітыя вучні сярэдняй школы №43, а таксама супрацоўнікі прадпрыемства.

Не абышлося і без вясёлых конкурсаў, у якіх ветэраны з задавальненнем спявалі і ўдзельнічалі ў гульнях. Радасць, смех і добры настрой панавалі на нашым свяце!

Дзякуй усім удзельнікам за незабыўныя моманты і цеплыню зносін!