«Мясмалфэст - 2021»

13 верасня 2021

11 верасня прадстаўнікі ААТ "Мілкавіта" прынялі ўдзел у мяса-малочным фестывалі.

На свяце смаку наведвальнікі маглі прадэгуставаць малочную прадукцыю нашага прадпрыемства, а таксама яе набыць. Гасцям фестывалю было прадстаўлена мноства цікавых, пазнавальных і захапляльных забаў. Самыя маленькія наведвальнікі з задавальненнем прыходзілі ў дзіцячы садок «Малако». Моладзь і дарослыя праяўлялі сваё майстэрства ў шашках, спрыт - на "Сырнай талерцы", поспех - на актыўнасці "Малако поспеху". На пляцоўцы працаваў «Музей малака», які расказвае пра гісторыю з'яўлення малочнай галіны і нашага прадпрыемства.

Упершыню на фестывалі "Мясмалфэст" прайшоў шашлычны батл. Уменне гатаваць шашлык, стейк і рабрынкі прадэманстравалі прадстаўнікі працоўных калектываў Гомельскага і Жлобінскага мясакамбінатаў, «Мілкавіты» і Рагачоўскага малочна-кансервавага камбіната. Па суме набраных балаў за распальванне мангала, прэзентацыю стравы і, вядома ж, смакавыя якасці, наша каманда заняла другое месца.