У Міжнародны дзень сям’і на ААТ «Мілкавіта» закладзена алея працоўных дынастый

15 траўня 2023

Адзінаццаць саджанцаў туі высаджаны работнікамі прадпрыемства, на якім працавалі некалькі пакаленняў іх сем'яў. Так, агульны стаж працоўнай дынастыі сям'і Пруднікавых склаў 78 гадоў. Пруднікаў Аляксандр Віктаравіч вядучы інжынер-механік цэха натуральнамалочнай прадукцыі нумар 1 працуе на прадпрыемстве з 1985 года. Тут таксама працавала яго жонка Надзея Аляксандраўна (бухгалтарам, 27 гадоў). Аляксандр Віктаравіч да гэтага часу працуе на родным прадпрыемстве разам са сваёй дачкой Вольгай (маркетолаг).

Усяго на ААТ «Мілкавіта» працуе больш за тры дзясяткі працоўных дынастый, якія сваёй працай паказваюць, што праца гэта сапраўды другі дом. Сямейныя працоўныя дынастыі - бясцэннае багацце і апора любога прадпрыемства, і здабытак усёй краіны. Жыццё асобнага чалавека кароткае, а жыццё дынастыі, у якім захоўваюцца вечныя каштоўнасці - духоўнасць, пераемнасць пакаленняў, вернасць лепшым традыцыям, можа быць доўгім і плённым.

Работнік малочнай вытворчасці - гэта не пасада і не прафесія, а гэта жыццё, цалкам аддадзенае людзям і справе. Няхай сямейная алея ААТ «Мілкавіта» з часам стане садам! Ну а мы пажадаем усім супрацоўнікам сямейнага цяпла і утульнасці, дабрабыту, міру і дабра!