Гэта ROCK & ROLL, дзетка!

23 жніўня 2021

З 13 па 15 жніўня 2021 года ў залік круглагадовай спартакіяды сярод структурных падраздзяленняў ААТ "Мілкавіта" прайшоў турыстычны злёт на тэму "Гэта ROCK & ROLL, дзетка!".

У турзлёце прынялі ўдзел 7 каманд:

- адміністрацыі «Ракультура»;

- дапаможнай вытворчасці "НА РОГАХ";

- асноўнай вытворчасці "КІНО";

- УП «Гандлёвы Дом «Малочныя карункі» і каманда Добрушскага філіяла «РОКЕН БРО»;

- Палескага вытворчага ўчастка "Гармата";

- УСП «СлаўМол» «КРЭЙЗІМОЛ»;

- ААТ «Кіруючая кампанія холдынгу «Гомельская мяса-малочная кампанія» «Ракстэр».

У першы дзень камандамі быў прэзентаваны турыстычны побыт у стылі "ROCK" і страва ўласнага прыгатавання. Незвычайным і драйвовым ад усіх каманд атрымаўся конкурс візітовак «rockХОР» і конкурс «Точ у рыхт» у стылі «ROCK», дзе ўдзельнікі паўсталі ў нязвыклых не толькі для навакольных, але і для саміх сябе вобразах. Усе атрымалі масу станоўчых эмоцый і ўражанняў.

Другі дзень выдаўся вельмі насычаным для ўдзельнікаў турыстычнага злёту. Дзе кожны праявіў сябе спрытным і хуткім, знаходлівым і крэатыўным.

Па выніках спартыўных і творчых конкурсаў, якія праходзілі на працягу трох дзён, перамогу атрымала каманда "НА РОГАХ" (дапаможнай вытворчасці). Другое месца ў каманды - "КІНО" (асноўнай вытворчасці), трэцяе - у каманды "РаккультУРА" (адміністрацыі). Каманда «КРЭЙЗІМОЛ» была асабліва адзначана членамі журы і ўдастоена спецпрыза.

Усім вялікі дзякуй за неймаверны зарад энергіі, пазітыву і драйву! Так трымаць!