Спадчына Беларусі

4 траўня 2022

ААТ "Мілкавіта", як захавальнік традыцый перапрацоўкі і вытворчасці малака, прыняла ўдзел у форуме "Спадчына Беларусі", які прайшоў з 28 па 30 красавіка ў Рэспубліканскім Палацы культуры прафсаюзаў пры падтрымцы Федэрацыя прафсаюзаў Беларусі.

Гэтае мерапрыемства прысвечана развіццю ўнутранага турызму ў Рэспубліцы Беларусь, у тым ліку і новай нішы турыстычнай галіны краіны - прамысловы турызм.

На стэндзе ААТ "Мілкавіта" кожны наведвальнік мог азнаёміцца з гісторыяй прадпрыемства, прагартаць вялікі фотаальбом у скураной вокладцы, куды ўклейвалі чорна-белыя фатаграфіі на працягу развіцця малочнага завода. Мы захавалі ўпакоўку, у якую разліваліся малочныя прадукты калісьці: ад старых гліняных збаноў і бітонаў, да шкляных бутэлек і кардоннай упакоўкі ў форме тэтраідра (Tetra Pak), якія так былі папулярныя ў СССР. У наведвальнікаў стэнда была магчымасць азнаёміцца, а каму і ўспомніць этыкеткі малочнай прадукцыі, якія выпускаліся дзясяткі гадоў таму.

Інтэрактывам выставачнага стэнда быў ручны сепаратар вытворчасці сярэдзіны ХХ стагоддзя. У гасцей выставы была магчымасць уручную ажыццявіць працэс падзелу малака на дзве фракцыі: абястлушчанае малако і вяршкі, як гэта рабілі нашы бабулі і дзядулі.

На працягу ўсёй выставы ў наведвальнікаў стэнда прадпрыемства была магчымасць азнаёміцца з асартыментам прадукцыі і прадэгуставаць натуральныя малочныя прадукты, у тым ліку сыры з працяглымі тэрмінамі паспявання ("Францыск" і "Пармезан").

ААТ "Мілкавіта" захавала традыцыі перапрацоўкі малака і вытворчасці малочнай прадукцыі. Прамысловы турызм дазваляе на свае вочы ўбачыць тыя самыя традыцыі на сучасным абсталяванні ад сусветных вытворцаў. Наша кампанія працуе над тым, каб прамысловыя турызм на ААТ «Мілкавіта» быў даступны кожнаму.

У першую чаргу запрашаем наведаць 3D тур па прадпрыемстве , дзе Вы зможаце самастойна пабываць там, куды не завядзе экскурсавод.