Турзлёт аб'ядноўвае

23 чэрвеня 2021

З 18 па 20 чэрвеня больш за 400 удзельнікаў турыстычнага злёту Савецкага раёна г. Гомеля спаборнічалі ў спартыўных дысцыплінах і творчым конкурсе, а таксама адпачывалі ў лясным масіве ля санаторыя "Васільеўка". Усяго ў мерапрыемстве прынялі ўдзел 19 каманд.

У бягучым годзе ўсе выступленні былі прысвечаны Году народнага адзінства.

Турыстычны злёт - гэта традыцыйнае мерапрыемства, якога чакаюць усе яго ўдзельнікі. Многія - ужо вопытныя турысты і прымаюць у ім удзел некалькі гадоў запар. Каманда нашага прадпрыемства пачала рыхтавацца да спаборніцтваў за некалькі месяцаў - хлопцы трэніраваліся на спартыўных пляцоўках, развучвалі танцавальныя рухі, рыхтавалі касцюмы і рэквізіт.

На працягу трох дзён каманды-ўдзельніцы з рызыкай і пры актыўнай падтрымцы балельшчыкаў змагаліся ў спаборніцтвах па валейболе, турыстычнай паласе перашкод, стральбе з пнеўматычнага пісталета.

Яркай падзеяй турыстычнага злёту стаў творчы конкурс візітак і конкурс "Рухомы гульні народаў свету" з перайначанай версіяй футбола пад назвай "Футмол". Па выніках турзлёту ў агульнакамандным заліку каманда ААТ "Мілкавіта" заняла пятае месца, атрымаўшы пры гэтым зарад станоўчых эмоцый.

Дадому нашы хлопцы прывезлі дыпломы за трэцяе месца ў спаборніцтвах "Спартыўнае арыентаванне", другія месцы ў спаборніцтвах па дартсе і конкурсе "Турыстычны побыт", першыя месцы ў конкурсе візітак і конкурсе "Рухомы гульні народаў свету", а таксама кубак за трэцяе месца ў конкурснай. праграме.